Гэты месяц называюць месяцам-паўзімнікам, варотамі зімы, перыядам звонкага лёду, калі селянін з калёсамі развітваецца, у сані садзіцца. зямлю. Сучасная назва месяца надзвычай празрыстая – час, калі апалі ўсе лісты з дрэў. Як сцвярджае прыказка, у лістападзе гола ў садзе. слоўка лістапад замацавалася ў нас дзякуючы аўтарам і стваральнікам газеты «Наша ніва» толькі з 1912 г. Сугучная назва ў палякаў, чэхаў, славенцаў – listopad, украінцаў – листопад, літоўцаў – lapkritis (lapas «лист» + kristi «падать»).
У якасці ўласнага імя лістапад ведаюць ва ўсім свеце аматары кіно: яе носіць з 1994 г. Мінскі міжнародны кінафестываль. Творчыя людзі ў гонар гэтага месяца напісалі нямала цудоўных радкоў, сярод якіх песні «Асцярожна – лістапад», «Асенні дзень» («Дзіўны лістапад») і нават акравершы (творы, у якіх па вертыкалі можна прачытаць іх назву). Вось адзін з іх, напісаны нашым земляком паэтам Алегам Салтуком
Пазляцелі жалуды.
Дапякаюць халады.
Пад нагой лісцё шуршыць.
А навокал — ні душы.
У выгоністым бары,
У прыціхлым гушчары
To наперад, то назад
Ходзіць дзядзька Лістапад.
Адпачнуў бы ён крыху
Ў зацішку на імху,
Ды не грэе болей дух
З лісця зроблены кажух.
Алег Салтук
Юбіляры месяца
85-годдзе з дгя нараджэння беларускага пісьменніка Вячаслава Адамчыка
70 гадоў з дня нараджэння паэтэсы Яўгеніі Янішчыц
60 –годдзе з дня народзінаў раэта-песенніка Леаніда Пранчака
Прыкметы месяца
Лістапад
У лістападзе кладзі капусту ў кадзі.
У лістападзе гола ў садзе.
Загадкі пра восень
Апусцелі палі, хлеб у свірны звязлі
Лугі пакасілі, стагі завяршылі.
Лістота лятае, дождж не сціхае
Калі гэта бывае? (увосень)
На зямлю садзяцца сумна
Жоўценькія матылі.
Пэўна ў іх пра тое думы,
Як зялёнымі былі. (лістапад, восень)
Ішоў даўганогі, не глядзеў дарогі,
У зямлі увяз… Вашым ножкам – гразь. (дождж)
З галінкі збіты ветрам
Ён на зямлю не лёг.
А кружыцца ў паветры,
Як жоўты матылёк. (ліст)
Цяжка ўявіць сучасную перапіску і пасты ў сацсетках без эмодзі. Навошта пісаць доўгае паведамленне і нешта выдумляць, калі можна проста даслаць сэрцайка і кветку? Здаецца, для любога настрою і сітуацыі ўжо намаляваны невялічкія піктаграмы, якія ўпрыгожваюць тэкст і акцэнтуюць увагу гледача.З дапамогай эмодзі можна нават расказаць гісторыю — ці перадаць зашыфраванае пасланне. Паспрабуйце здагадацца, якія фразеалагізмы схаваліся за малюначкамі, што літаральна або ў апісальнай форме перадаюць іх сэнс. Калі вырашылі, што пазналі трапны выраз, клікніце на картку, каб яна перавярнулася і вы даведаліся, удалося вам здагадацца, які гэта фразеалагізм, ці не.
Тэст: ці пазнаеце вы фразеалагізмы па эмодзі?
Чытаць далей https://bel.sputnik.by/interesting/20180807/1036969504/belorusskie-frazeologizmy-ehmodzi-test.html
Рэдакцыя газеты «Прамеьчык»