З 17 па 21 лютага быў праведзены Тыдзень беларускай мовы сярод вучні 3-4 класаў гімназіі №1 г. Віцебска. Тыдзень атрымаўся насычаным на падзеі. Навучэнцы падрыхтавалі работы з загадкамі, галаваломкамі, фразеалагізмамі, крыжаванкамі, падрыхтавалі даклады пра беларускіх пісьменнікаў. Гэтыя работы аформілі на “выдатна”. Неабыякавых у падрыхтоўцы да Тыдня беларускай мовы не было. Аформілі выставу творчых работ “Рускай мове дай разгрузку – размаўляй па-беларуску”. Дзеці на перапынках прыходзілі, каб пачытаць інфармацыю і выканаць заданні.
Тыдзень пачаўся з урачыстай лінейкі. Дзеці спявалі гімн – урачыста, з гонарам. Прапанавалася напісаць пажаданні роднай мове – атрымалася хораша, іх зачытвалі сваім аднакласнікам.
Настаўнікі пачатковых класаў правялі інтэрактыўную гульню “Па прыступах роднай мовы”. Дзеці падарожнічалі па станцыях, а вынікі фіксіравалі на маршрутных лістах. На станцыі “Перакладчыкі” трэба было малюнку даць назву на беларускай мове. На станцыі “Знаўца роднага краю” трэба было адказаць на пытанні пра родны край. Станцыя “Краіна Кемлівасці” – работа з фразеалагізмамі. На станцыі “Жывёльны свет Беларусі” прапанавалі адгадаць загадкі пра жывёл. Станцыя “Народная скарбонка” дапамала навучэнцам праверыць свае веды на прыказках і прамаўках. І, нарэшце… станцыя “Казачная” напомніла беларускія казкі. Па выніках тыдня кожны напісаў водгук.
Вучні 3 “Б” класа выказалі сваі ўражанні пасля тыдня беларускай мовы.
— Тыдзень беларускай мовы выдаўся на славу! Запомніліся і дыктант, і творчая сустрэча з фалькларыстам на тэму “Таямнічы свет абярэгавых лялек”. Асабліва спадабалася віктарына. Веды пра жыццё нашых продкаў, іх звычаі дапамогуць нам у вучобе. Дзякуючы такім мерапрыемствам, мы будзем больш любіць і шанаваць родную мову, а таксама паважаць памяць продкаў і народных святынь, – паведаміў Елісей Андрэоу.
— За гэты тыдзень я даведалася шмат новага і цікавага пра нашу культуру і мову. Захапілася гісторыяй нашага народа. Усе вучні напісалі пажаданні для нашай беларускай мовы, гэта былі вельмі шчырыя і цёплыя словы. Цудоўна, што ёсць такая традыцыя адзначаць дзень беларускай мовы, буду з задавальненнем удзельнічаць у гэтым мерапрыемстве зноў, – паабяцала Варвара Пучынская.
— Цікава і займальна пабываць у якасці перакладчыка, складаць прыказкі, тлумачыць фразеалагізмы, адказваць на пытанні. Я даведалася шмат новага, замацавала веды. Уразіла выстава дзіцячых твораў. Варта адзнечыць, што вучні паставіліся да гэтага мерапрыемства адказна. У наступным годзе хочацца, каб да нас у госці завіталі артысты беларускага тэатра “Лялька”, – спадзяваецца Лідзія Нарзулаева.
— Мне вельмі спадабаўся тыдзень беларускай мовы. Праз беларускія гульні, рэбусы, загадкі я пазнала шмат цікавага і пазнавальнага пра нашу родную мову. Я жадаю, каб такі тыдзень праводзіўся часцей! – пажадала Саша Сарокіна.
— І мне тыдзень беларускай мовы вельмі спадабаўся, бо мы вельмі шмат часу гулялі ў розныя беларускія гульні, – дадаў Раман Выдроў.
— Мне вельмі спадабаўся ўрок-экскурс у мінуўшчыну, дзе я даведаўся шмат цікавага пра гісторыю мовы, быт продкаў і традыцыйныя беларускія лялькі-абярэгі, – адзначыў Раман Саўчыц.
— Мне спадабаўся прадметны тыдзень беларускай мовы, было ведьмі цікава і пазнавальна, я даведалася шмат новага, што мне дапаможа ў далейшым навучанні, – спадзяваецца Марыя Насыр.
— Вялікі дзякуй за тыдзень беларускай мовы! Мне вельмі спадабалася, што дыктоўку дыктавалі такія ж вучні, як і мы, толькі старэйшыя, – падзякаваў Раман Брытаў.
— Я даведалася шмат новага пра беларускую культуру, гісторыю і традыцыі. Таксама мне спадабаліся беларускія гульні і песні. Хачу, каб такі тыдзень паўтараўся кожны месяц! – пажадала
